gossip lanka news line gossip lanka news line
gossip lanka

රනිල්ගේ මන්ත්‍රී ධුරය අහෝසි කරන ලෙස ඉල්ලා ශර්මිලා අධිකරණය හමුවට !
























රජයේ ආයතන සමග ව්‍යාපාරික කටයුතුවල යෙදීම හේතුවෙන් එක්සත් ජාතික පක්ෂයේ නායක රනිල් වික්‍රමසිංහගේ පාර්ලිමේන්තු මන්ත්‍රී ධූරය අහෝසි කිරිමේ රිට් ආඥාවක් නිකුත් කරන මෙන් ඉල්ලමින් අභියාචනාධිකරණය වෙත පෙත්සමක් ඉදිරිපත් කර තිබේ.

පෙත්සම ඉදිරිපත් කොට තිබෙන්නේ 'යුක්තිය උදෙසා කාන්තාවෝ'
නමැති සංවිධානයේ සම සභාපතිනි ශර්මිලා ගෝනවල විසිනි.

ශ්‍රී ලංකා ආණ්ඩුකම ව්‍යවස්ථාවේ ප්‍රතිපාදනවලට අනුව පාර්ලිමේන්තු මන්ත්‍රීවරුන්ට රජයේ ආයතන සමඟ කොන්ත්‍රාත්වලට එළැඹ ව්‍යාපාරික කටයුතු සිදු කිරීම මන්ත්‍රී ධුර දැරීමට නුසුදුසු කමක් සේ අර්ථකථනය කර ඇති බව පෙත්සම්කාරිය සඳහන් කරයි.

වගඋත්තරකාර රනිල් වික්‍රමසිංහ ලේක්හවුස් සමූහ ව්‍යාපාරයේ කොටස්කරුවකු බව තමන්ට දැනගැනීමට ලැබී ඇතැයි සඳහන් කරන පෙත්සම්කාරිය, ලංකා බැංකුව සහ මහජන බැංකුවේ චෙක්පත් මුද්‍රණය කරනු ලබන්නේ එම සමූහ ව්‍යාපාරය යටතේ පවතින ලේක්හවුස් ප්‍රින්ටර්ස් ඇන්ඩ් පබ්ලිෂර්ස් (Lake House Printers and Publishers) පුද්ගලික සමාගම මගින් බව ද පවසයි.

එබැවින් ලේක්හවුස් සමූහ ව්‍යාපාරයේ කොටස්කරුවකු වශයෙන් කටයුතු කරමින් ලංකා බැංකුව සහ මහජන බැංකුව සමඟ කොන්ත්‍රාත්වලට එළඹ ව්‍යාපාරික ගනුදෙනු සිදුකිරීම මගින් රනිල් වික්‍රමසිංහට මන්ත්‍රී ධූරය දැරීමට නුසුදුසු කමක් උද්ගතව ඇතැයි පෙත්සම්කාරිය සිය පෙත්සමේ සඳහන් කරයි.

ඉහත කී පෙත්සම විභාග කොට අවසන් තීන්දුවක් ලබාදෙන තුරු රනිල් වික්‍රමසිංහට පාර්ලිමේන්තුවේ අසුන් ගැනීම සහ ඡන්දය ප්‍රකාශ කිරීම තහනම් කිරීමේ අතුරු ආඥාවක් නිකුත් කරන මෙන් ද පෙත්සම්කාරිය වැඩිදුරටත් සිය පෙත්සමෙන් ඉල්ලා තිබේ.

එහි වගඋත්තරකරුවන් ලෙස පාර්ලිමේන්තු මන්ත්‍රී රනිල් වික්‍රමසිංහ, එක්සත් ජාතික පක්ෂයේ මහ ලේකම් අකිල විරාජ් කාරියවසම්, පාර්ලිමේන්තු මහලේකම්වරයා ඇතුළු සිව් දෙනෙකු නම් කරනු ලැබ ඇත.


gossip lanka gossip lanka gossip lanka
gossip lanka gossip lanka gossip lanka gossip lanka

 
Design by Free WordPress Themes | Bloggerized by Lasantha - Premium Blogger Themes lanka mirror sinhala| ape.lk - Best classified website in Sri Lanka